Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 317 Hüküm no: 372 Orijinal metin no: [48b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Doğramacı Haçar’ın Keresteci Kaplan’a kereste bedelinden olan borcunu ödemesi Ma‘rûz Derûn-ı arzuhâlde mezkûr Keresteci Kaplan zimmî meclis-i şer‘de arzuhâl sahibi Doğramacı Haçar zimmî muvâcehesinde merkūm Haçar zimmetinde yedimden iştirâ ve kabz eylediği ma‘lûmü’l-ecnâs kereste semenlerinden işbu yedimde olan bin yüz altmış iki Muharrem’inin on sekizinci günü târihiyle müverrah Ahî Çelebi Mahkemesi’nde nâibü’ş-şer‘ Ahmed Efendi hâtemiyle mahtûm i‘lâm-ı şer‘î mantûkunca mahkûmun-bih hakkım olan yüz yirmi bir guruşun mukaddemâ yirmi beş guruşunu bana edâ ve teslîm edip doksan altı guruş hakkım bâkī kalmağla taleb ederim deyü da‘vâ eyledikde ol dahi ikrâr ve i‘tirâf etmeğin mûcebince meblağ-ı mezbûr doksan altı guruşu mezbûr Kaplan’a edâ ve teslîme merkūm Haçar zimmîye tenbîh olunduğu Bâb Mahkemesi’nde tescîl ve huzûr-ı âlîlerine i‘lâm olundu. Fî 14 Ramazan sene [1]162