Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 320 Hüküm no: 376 Orijinal metin no: [49a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer b. Mansur’un talak-ı ric‘î ile boşadığı karısı Ayşe bt. Süleyman’la tekrar birleşmek istediğinden Ayşe’nin kocasıylı izdivaç muamelesi etmesine yapılan tenbih Ma‘rûz Sahib-i arzuhâl el-Hâc Ömer b. Mansur meclis-i şer‘de zevce-i mutallakası olup derûn-ı arzuhâlde mezkûreti’l-ism ve zâtı ta‘rîf-i şer‘î ile mu‘arrefe olan Âişe bt. Süleyman muvâcehesinde mezbûre Âişe zevce-i medhûlün-bihâm iken târih-i i‘lâmdan dört gün mukaddem ric‘iyyen tatlîk edip hâlâ mes ile mürâca‘at etmiş iken mezbûre Âişe benimle ezvâc mu‘âmelesinden imtinâ‘ eder inkıyâdına tenbîh taleb ederim deyü ba‘de’d-da‘vâ ve’s-suâl mezbûre Âişe Hatun cevâbında fi’l-hakīka müdde‘î-i mezbûr el-Hâc Ömer târih-i mezbûrda zevce-i medhûlün-bihâsı iken ric‘iyyen tatlîkını ikrâr ve i‘tirâf etmeğin mûcebiyle mezbûre Âişe Hatun’a zevci mezbûr el-Hâc Ömer’e ezvâc mu‘âmelesiyle inkıyâdına tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 17 min-Ramazan sene 1162