Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 323 Hüküm no: 382 Orijinal metin no: [50a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pirinç tüccarı Hacı Mustafa’nın, Mısır’dan getirttiği pirincin kendisine eksik teslim ettiği iddiasıyla sefine reisi Yazıcı Yani’ye açtığı davada haksız bulunduğu Ma‘rûz Bâ‘is-i i‘lâm pirinç tüccârından el-Hâc Mustafa nâm kimesne meclis-i şer‘de sefîne reislerinden Yazıcı Yani zimmî muvâcehesinde diyâr-ı Mısır’da Bender-i Reşid’de sâkin şerîkim el-Hâc Murad nâm kimesne yediyle otuz iki zenbil pirincimi otuz guruş navl kavliyle merkūm Yani’nin sefînesine tahmîl ve İstanbul’a getirip bana teslîm etmek üzere merkūm Yani’ye teslîm ol dahi ba‘de’l-ahz ve’l-kabûl ve’l-kabz hâlâ zikrolunan pirincin yirmi yedi zenbilini verip beş zenbil pirinç zimmetinde kalmağla taleb ederim deyü da‘vâ eyledikde ol dahi cevâbında ber-vech-i muharrer mezkûr pirinci sefînesine tahmîl ve İstanbul’a getirip bi-aynihî müdde‘î-i mezbûr el-Hâc Mustafa’ya red ve teslîm eyledim deyü ba‘de’d-def‘ ve’l-inkâr husûs-ı mezbûrda merkūm Yani emîn olup yemîni ile musaddak olmağın bi’t-taleb gıbbe’t-tahlîfi’ş-şer‘î mezbûr el-Hâc Mustafa bî-vech mu‘ârazadan men‘ olunmuşdur. Fî 22 Ramazan sene 1162