Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 324 Hüküm no: 384 Orijinal metin no: [50b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul ve Galata’daki Arapların şeyhliğine Mustafa b. Abdullah’ın tayin edildiğinden Galata’daki Arapların şeyhi olan Çolak Ali b. Abdullah’ın görevini bırakıp hiçbir şekilde Mustafa’ya müdahalede bulunmaması Ma‘rûz Bundan akdem Galata’da vâki‘ Arab tâifesinin şeyhi olan sahib-i arzuhâl Mustafa b. Abdullah Mahkeme-i Bâb’da meclis-i şer‘de yine tâife-i mezkûreden derûn-ı arzuhâlde mezkûrü’l-ism Çolak Ali b. Abdullah muvâcehesinde bin yüz altmış senesi Cumâdelûlâsı’nın on ikinci günü İstanbul’da vâki‘ Arab tâifesinin üzerlerine şeyh olmak üzere benim vesâir ma‘lûmü’l-esâmî Arab tâifelerinin iltimâsıyla mezbûr Çolak Ali’yi taraf-ı şer‘den şeyh nasb ve ta‘yîn ettirmişidik lâkin târih-i i‘lâmdan beş ay mukaddem İstanbul ve Galata ve tevâbi‘lerinde vâki‘ Arab tâifesinin muhtârları olup cümlenin iltimâsıyla tâife-i mezkûrenin şeyhliği taraf-ı Devlet-i aliyye’den bana tevcîh olunup yedime işbu berat-ı şerîf-i âlîşân dahi verilmişiken mezbûr Solak [Çolak] Ali şeyhlik-i mezkûra bi-gayr-ı vech müdâhale eder deyücek gıbbe’l-istintâk mezbûr Çolak Ali kazıyye minvâl-i muharrer üzere olduğunu ikrâr ve i‘tirâf etmeğin mûcebiyle şeyhlik-i mezkûra bi-gayr-ı vech müdâhale etmemek üzere mezbûr Çolak Ali’ye tenbîh olunduğu huzûr-ı âlîlerine i‘lâm olundu. Fî 5 Şevval sene 1162