Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 334 Hüküm no: 402 Orijinal metin no: [52b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mıgırdıç’ın hanımı Margrid’e Kirkor vâsıtasıyla havale ettiği parayı teslim etmediği iddiasıyla Kirkor’a açtığı davada haksız bulunduğu [Mühür:] … Mustafa zâde bimâ- ...? Sa‘âdetli semâhatli Bekirzâde Osman Efendi hazretlerinin zamân-ı hükûmetlerinde olan vekâyi‘leridir ki nevbeten niyâbeten umdetü’l-müderrisîni’l-kirâm fazîletlü Abdülbaki Efendi veffaka’llâhu te‘âlâ bi’l-hayri min-külli’l-umûr Ma‘rûz Arzuhâl sahibi Mıgırdıç zimmî meclis-i şer‘de derûn-ı arzuhâlde mezkûr Kirkor zimmî muvâcehesinde târih-i i‘lâmdan on sene mukaddem vilâyet-i Anadolu’da Divriği kazâsına tâbi‘ Toril nâm karyede mütemekkine zevcem Margirid nâm Nasrâniyeye teslîm eyle deyü bi-tarîkı’l-emâne otuz guruş def‘ ve teslîm etmişidim hâlâ mezbûr Kirkor meblağ-ı mezbûru zevcem mezbûreye teslîm etmeyip zimmetinde kalmağla taleb ederim deyü da‘vâ eyledikde gıbbe’s-suâl mezbûr Kirkor cevâbında ber-vech-i muharrer müdde‘î-i mezbûrdan otuz guruşu ba‘de’l-kabz mezbûre Margirid’e def‘ ve teslîm eyledim deyü ba‘de’d-def‘ ve’l-inkâr mezbûr Kirkor husûs-ı mezkûrda emîn olup kavliyle tasdîk olunmağın bi’t-taleb mezbûr Kirkor ba‘de’t-tahlîfi’ş-şer‘î mûcebince mezbûr Mıgırdıç bî-vech mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 19 Şevval sene 1162