Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 335 Hüküm no: 403 Orijinal metin no: [52b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mavridi’nin bogası bedelinden kalan borcunu Bogasıcı Abdullah’a ödemesi Ma‘rûz Derûn-ı arzuhâlde mezkûr Bogāsıcı Abdullah bi’t-terâzî Mahkeme-i Bâb’da meclis-i şer‘de arzuhâl sahibi Mavridi zimmî ile terâfu‘larında târih-i i‘lâmdan bir sene mukaddem mezbûr Mavridi yedimden iştirâ ve kabz eylediği kırk iki top beyaz bogası semeninden hakkım olan altmış üç guruşun yirmi dokuz guruş ile otuz beş parasını bana edâ edip zimmetinde otuz üç guruş ve beş para hakkım kalmağla taleb ederim deyü da‘vâ eyledikde ol dahi ikrâr etmeğin mûcebince meblağ-ı mezbûr otuz üç guruş ve beş parayı müdde‘î-i mezbûr Bogāsıcı Abdullah’a edâ ve teslîme mezbûr Mavridi zimmîye tenbîh olunduğu huzûr-ı âlîlerine i‘lâm olundu. Fî 20 Şevval sene 1162