Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 335 Hüküm no: 404 Orijinal metin no: [52b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sofyalı Avadik v. Andreyas’ın alacak talebiyle Nikola v. Yuvan’a açtığı davada sulh yoluyla alacağını tahsil ettiği Ma‘rûz <> İşbu arzuhâl hâmişindeki i‘lâmda mezkûr olup Vâlide Hanı’nda müsâfiren mütemekkin Sofyalı Avadik v. Andreyas nâm zimmî meclis-i şer‘-i enverde derûn-ı i‘lâmda mezkûr Poni Nikola v. Yuvan nâm zimmî tarafından husûs-ı âti’z-zikri tasdîke vekîl-i sâbitü’l-vekâlesi olan Aleksan v. Karabet nâm zimmî muvâcehesinde işbu i‘lâm-ı şer‘î mantûkunca müvekkil-i merkūm Nikola zimmetinde mahkûmun-bih olan sekiz yüz seksen sekiz buçuk guruş hakkımdan bâ-vesâtet-i muslihîn vekîli işbu merkūm Aleksan zimmî ile iki yüz guruş bedel-i makbûza sulh olup mâ‘adâsına müte‘allika âmme-i da‘vâdan müvekkil-i medyûn-ı merkūm Nikola’nın zimmetini ibrâ-i âmm-ı kātı‘u’n-nizâ‘la ibrâ ve ıskāt eylediğimde ol dahi ibrâ-i mezkûru bi’l-vekâle kabûl eyledi deyü olan ikrârını vekîl-i merkūm tasdîk eylediği Mahkeme-i Bâb’dan huzûr-ı âlîlerine i‘lâm olundu. Fî 22 L sene 1162