Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 346 Hüküm no: 422 Orijinal metin no: [55a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tatar Ağası Mustafa Ağa b. Hasan’ın, cariye ve eşya bedellerinden olan borcunu Gedoslu Seyyid Mustafa b. Seyyid Ahmed’e ödemesi Ma‘rûz İstanbul’da Esirpazarı’nda sâkin sahib-i arzuhâl Gedûsî es-Seyyid Mustafa b. es-Seyyid Ahmed Bâb Mahkemesi’nde meclis-i şer‘de derûn-ı arzuhâlde mezkûrü’l-ism Tatar Ağası Mustafa Ağa b. Hasan mahzarında târih-i i‘lâmdan iki sene mukaddem mezbûr Mustafa Ağa’nın yedimden iştirâ ve kabz eylediği vasfı beynimizde ma‘lûm Sohûmiyyetü’l-asl? bir re’s câriye semeninden üç yüz elli guruş ve bir sîm ve zerrine semeninden <> otuz guruş ve iki top alaca semeninden yirmi guruş ki min-haysü’l-mecmû‘ mezbûr Mustafa Ağa zimmetinde dört yüz elli guruş hakkımın yüz guruşunu bundan akdem ahz üç yüz elli guruş hakkım bâkī kalmağla taleb ederim deyü ba‘de’d-da‘vâ ve’l-ikrâr mûcebiyle meblağ-ı bâkī-i mezkûr üç yüz guruşu müdde‘î-i mezbûr es-Seyyid Mustafa’ya edâ ve teslîme mezbûr Tatar Mustafa Ağa’ya tenbîh olunduğu mübâşirleri Süleyman Çavuş kulları ile huzûr-ı âlîlerine i‘lâm olundu. Fî-selhi Şevval sene 1162