Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 347 Hüküm no: 425 Orijinal metin no: [55b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Abdullah’ın, yanında çalıştığı Mustafa Reis’de olan alacak davasında sulh yoluyla alacağını tahsil ettiği Ma‘rûz Sahib-i arzuhâl Ahmed b. Abdullah meclis-i şer‘-i hatîrde derûn-ı arzuhâlde mezkûrü’l-ism Mustafa Reis muvâcehesinde ben ücret ile hizmet eder makūlesinden olmamla bundan akdem mezbûr Mustafa Reis talebiyle üç buçuk sene hizmet etmişidim hâlâ sinîn-i mezkûrede olan hizmetimin ecr-i mislini mezbûrdan taleb ederim deyü tesâddî eylediğim da‘vâdan bâ-vesâtet-i muslihîn mezbûr Mustafa Reis ile beş buçuk guruş bedel-i makbûza sulh olup husûs-ı mezkûra müte‘allika âmme-i da‘vâdan mezbûr Mustafa Reis’in zimmetini ibrâ ve ıskāt eyledim deyü olan ikrârını mezbûrun tasdîk eylediği Mahkeme-i Bâb’dan huzûr-ı âlîlerine i‘lâm olundu. Fî 2 min-Zilka‘de sene 1162