Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 352 Hüküm no: 435 Orijinal metin no: [56b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Hasan’ın, hizmetini gördüğü Hâce Havva bt. Hasan bt. Abdullah’da olan hizmet bedelini sulh yoluyla tahsil edip zimmetini ibra ettiği Ma‘rûz Zâtı zevci Çukadâr Bekir b. el-Hâc Mehmed ve karındaşı Mehmed b. Hasan nâm kimesneler ta‘rîfleriyle mu‘arrefe olan sahibe-i arzuhâl Hadîce bt. el-mezbûr Hasan nâm hatun Bâb Mahkemesi’nde meclis-i şer‘-i enverde derûn-ı arzuhâlde mezkûreti’l-ism Hâcce Havva bt. Hasan b. Abdullah nâm hatunun vekîl-i sâbitü’l-vekâlesi Hasan Çelebi b. Mehmed ile terâfu‘larında karındaşım mezbûr Mehmed müvekkile-i merkūme Hâcce Havva Hatun’a beni çırâğ etmek kavliyle vermişidi ben dahi dört sene mezbûreye hizmet etmemle sinîn-i merkūmede ettiğim hizmetimin ecr-i mislini müvekkile-i merkūme Havva Hatun’dan taleb ederim deyü tesâddî eylediğim da‘vâmdan bâ-vesâtet-i muslihîn vekîl-i mezbûr Hasan ile on beş guruş bedel-i makbûza sulh olup ecr-i mislime müte‘allika âmme-i da‘vâdan müvekkile-i merkūme Hâcce Havva Hatun’un ve kızı Hadîce bt. Abdullah’ın ve zevci Mustafa b. Abdurrahman’ın zimmetlerini ibrâ ve ıskāt eyledim deyü olan ikrârını vekîl-i mezbûr dahi ba‘de’t-tasdîk tescîl olunduğu huzûr-ı âlîlerine i‘lâm olundu el-emrü li-men-lehu’l-emr. Fî 6 Za sene 1162