Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 353 Hüküm no: 437 Orijinal metin no: [56b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avak v. İsayi’nin, babasının borcuna olan kefaletinden dolayı alacaklısı olduğu Asvador’a ödemesine yapılan tenbih Ma‘rûz Arzuhâl sahibi Asvador zimmî meclis-i şer‘de derûn-ı arzuhâlde mezkûrü’l-ism Avak zimmî muvâcehesinde merkūm Avak’ın babası gāib ani’l-meclis İsayi nâm zimmî zimmetinde târih-i i‘lâm senesi Şa‘bân-ı şerîf’i gurresi târihiyle müverrah işbu yedime verdiği temessük mantûkunca cihet-i karzdan hakkım olan yüz yirmi altı guruşa mezbûr Avak bi’l-emr ve’l-kabûl kefîl oldukdan sonra meblağ-ı mezbûrun yirmi dört buçuk guruşunu ba‘de’l-edâ bâkī yüz bir buçuk guruşu taleb ederim deyü da‘vâ eyledikde ol dahi kazıyye vech-i meşrûh üzere olduğunu ikrâr ve i‘tirâf etmeğin mûcebince meblağ-ı bâkī-i merkūm yüz bir buçuk guruşu müdde‘î-i mezbûr Asvador’a bi-hükmi’l-kefâle edâ ve teslîme mezbûr Avak zimmîye tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 10 Zilka‘de sene 1162