Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 357 Hüküm no: 445 Orijinal metin no: [57a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah b. Mercan’ın Mısırlı Hacı Kasım b. Hasan’a olan borcunu ödemesi Ma‘rûz Mısırlı el-Hâc Kasım b. Hasan Mumcu Abdullah Beşe mübâşeretiyle meclis-i şer‘a ihzâr ettirdiği Abdullah b. Mercan ile terâfu‘larında târih-i i‘lâmdan iki sene mukaddem işbu mezbûr Abdullah b. Mercan’a malımdan seksen guruş ikrâz ve teslîm edip ol dahi ber-minvâl-i muharrer malımdan ve yedimden istikrâz ve kabz ve istihlâk edip ol vechile meblağ-ı mezkûr seksen guruş zimmetinde hakkım olmağla taleb ederim deyü ba‘de’d-da‘vâ ve’s-suâl mezbûr Abdullah b. Mercan dahi minvâl-i meşrûh üzere meblağ-ı mezkûr seksen guruş merkūm Mısırlı el-Hâc Kasım’a zimmetinde deyni olduğunu ikrâr ve i‘tirâf etmeğin mûcebince tamamen edâsıyla ilzâm olunduğu Mahkeme-i Bâb’dan huzûr-ı âlîlerine i‘lâm olundu. Fî 17 Zilka‘de sene 1162