Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 360 Hüküm no: 450 Orijinal metin no: [58a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arka sakaları bölükbaşısı Hüseyin b. Musa’nın, Emetullah bt. Mehmed’in çocuğu Abdülkadir b. Ömer Ağa’ya olan borcunu ödemesi Ma‘rûz Sahibe-i arzuhâl Emetullah Hatun bt. Mehmed meclis-i şer‘-i enverde derûn-ı arzuhâlde mezkûrü’l-ism arka sakaları bölükbaşısı Hüseyin b. Musa muvâcehesinde bâ-hüccet-i şer‘iye vasîsi olduğum işbu sadrî sagīr oğlum es-Seyyid Abdülkadir b. es-Seyyid Ömer Ağa’nın malından mezbûr Hüseyin Bölükbaşı’ya iki yüz on sekiz guruş ikrâz ve teslîm edip ol dahi yedimden iktirâz ve ahz u kabz eyledikden sonra meblağ-ı mezkûrun on beş guruşunu bana edâ edip iki yüz üç guruşu bâkī kalmağla bi’l-vesâye mezbûrdan hâlâ taleb ederim deyü ba‘de’d-da‘vâ ve’s-suâl mezbûr Hüseyin Bölükbaşı cevâbında fi’l-vâki‘ kazıyye minvâl-i muharrer üzere olduğunu ikrâr ve i‘tirâf etmeğin alâ-mûceb-i i‘tirâfihî meblağ-ı bâkī-i mezkûr iki yüz üç guruşu vasîyy-i mezbûre Emetullah Hatun’a edâ ve teslîmle mezbûr Hüseyin Bölükbaşı’ya tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 19 Zilka‘de sene 1162