Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 371 Hüküm no: 466 Orijinal metin no: [60a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı İsa mahallesinden daha önce ihraç edildiği halde tekrar ikamet etmeye başlayan Saltana bt. Petro’nun mahallede ikamet etmemeyi taahhüt ettiği Ma‘rûz Mahmiye-i İstanbul’da Balatkapısı dâhilinde el-Hâc İsa mahallesi imâmı el-Hâc Hasan Efendi b. Abdurrahman ve ahâlîsinden Ali Çelebi b. Mehmed ve Halil b. Mustafa nâm kimesneler ile mahalle-i mezkûr mütemekkinlerinden Yorgi v. Dimitri ve Panayot v. Petro ve Yorgi v. Panayot ve Ligori v. Kostantin ve Vasil v. Mihal ve Mihal v. Nikola nâm zimmîler meclis-i şer‘-i enverde mahalle-i mezkûre ahâlîsinden Aleksan nâm zimmînin menzilinde bundan akdem müste’cireten sâkine olup kendi hâlinde olmamağla ihrâc olunan Saltana bt. Petro nâm Nasrâniye muvâcehesinde merkūme Saltana sû’-i hâl üzere olmağla mukaddemâ menzil-i mezkûrdan ihrâc olunmuşiken şimdi yine menzil-i mezkûra gelip gecelerde yatmağla merkūmeden bir vechile emn ü râhatımız yokdur deyü teşekkî eylediklerinde merkūme Saltana dahi fîmâ-ba‘d mahalle-i mezkûreye gelmemek üzere ta‘ahhüd edip ol vechile kat‘-ı nizâ‘ eyledikleri Mahkeme-i Bâb’dan tescîl ve bi’l-iltimâs huzûr-ı âlîlerine i‘lâm olundu. Fî 30 Şevval sene 1162