Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 379 Hüküm no: 480 Orijinal metin no: [61b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Salih b. Hacı Mustafa’nın, eşya bedellerinden kalan borcunu Mehmed b. Mehmed’e ödemesine yapılan tenbih Ma‘rûz Sahib-i arzuhâl Mehmed b. el-Hâc Mehmed meclis-i şer‘-i hatîrde derûn-ı arzuhâlde mezkûrü’l-ism es-Seyyid Salih b. el-Hâc Mustafa mahzarında mezbûr es-Seyyid Salih zimmetinde yedimden iştirâ ve kabz eylediği beynimizde ma‘lûmü’l-aded Gördes bezi ve sahtiyân ve sâir eşyâ semenlerinden bin yüz altmış senesi Zilhicceti’ş-şerîfe’sinin yirmi ikinci günü târihiyle müverrah işbu bir kıt‘a temessük mantûkunca sekiz yüz yetmiş guruş hakkımdan altı yüz doksan bir guruşunu bundan akdem mezbûr Salih yedinden ba‘de’l-kabz yüz yetmiş dokuz guruş hakkım bâkī kalmağla hâlâ meblağ-ı bâkī-i mezkûru dahi mezbûr es-Seyyid Salih’den taleb ederim deyü da‘vâ eyledikde mezbûr Salih dahi fi’l-hakīka cihet-i mezkûreden bâkī yüz yetmiş dokuz guruş müdde‘î-i mezbûr Mehmed’e deyni olduğunu ikrâr ve i‘tirâf etmeğin mûcebince meblağ-ı bâkī-i mezkûr yüz yetmiş dokuz guruşu müdde‘î-i mezbûr Mehmed’e edâ ve teslîme merkūm es-Seyyid Salih’e tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 7 Zilhicce sene 1162