Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 382 Hüküm no: 484 Orijinal metin no: [62a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasber v. Avanis’in, Hürmüz v. Asvador’a kalan borcunu ödemesine yapılan tenbih Ma‘rûz Sahib-i arzuhâl Hürmüz v. Asvador nâm zimmî meclis-i şer‘-i hatîrde derûn-ı arzuhâlde mastûr Kasber v. Avanis nâm zimmî muvâcehesinde târih-i i‘lâmdan yedi ay mukaddem mesfûr Kasber sana şirinlik yazayım deyü malımdan ve yedimden yirmi üç buçuk guruşumu ahz etmişidi meblağ-ı mezkûru bundan akdem bâ-vesâtet-i muslihîn on bir guruş üzerine sulh ve mâ‘adâsına müte‘allika da‘vâdan mesfûr Kasber zimmînin zimmetini ibrâ ve ıskāt edip bedel-i sulh-ı mezkûrun iki buçuk guruşunu mesfûr Kasber yedinden almışidim bâkī sekiz buçuk guruşu mesfûr Kasber’den taleb ederim deyü ba‘de’d-da‘vâ ve’l-ikrâr mûcebiyle bedel-i sulhdan bâkī sekiz buçuk guruşu müdde‘î-i merkūm Hürmüz zimmîye edâ ve teslîme mesfûr Kasber zimmîye tenbîh olunduğu Mahkeme-i Bâb’dan huzûr-ı âlîlerine i‘lâm olundu. Fî 18 Zilhicce sene 1162