Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 383 Hüküm no: 485 Orijinal metin no: [62a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Destarcı Nikola v. Kaya’nın borcundan dolayı hapiste bulunan Panayot v. Velvet’teki alacağını taksitler halinde almayı kabul edip anlaştıkları Ma‘rûz Destârcı tâifesinden olup derûn-ı arzuhâlde ve hâmişinde mezkûrü’l-ism dâyin olan Nikola v. Kaya zimmî meclis-i şer‘-i enverde yine hâmiş-i arzuhâlde mezkûr olduğu üzere yüz altmış guruş deyn ile medyûnu sahib-i arzuhâl mahbûs Panayot v. Velvet zimmîden deyn-i mezkûrunun otuz guruşunu hâlâ ahz edip bâkī kalan yüz otuz guruşunu dahi târih-i i‘lâmdan beher şehr kendiye ikişer guruş verip altmış beş ay tamamına değin edâ etmek üzere mukāssaten tecîl eyledikde medyûn-ı mahbûs-ı mezkûr Panayot dahi taksît-i mezkûru ba‘de’l-kabûl [62b] deyn-i meblağ-ı bâkī-i mezkûrunu taksît-i mezkûr üzere dâyin-i müdde‘î-i merkūma edâya ta‘ahhüd edip ve medyûn-ı mezkûrun ammisi Kostantin v. Sefer zimmî dahi bedel-i taksît-i mezkûrun ber-vech-i muharrer edâsına kefîl olduğu Mahkeme-i Bâb’dan huzûr-ı âlîlerine i‘lâm olundu. Fî 17 Zilhicce sene 1162