Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 388 Hüküm no: 494 Orijinal metin no: [63b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi Ali Beşe b. Osman’ın Ayşe bt. Mustafa’ya olan borcunu ödemesine yapılan tenbih [Ma‘rûz] İstanbul’da Hadîce Sultan mahallesi sâkinelerinden olup zâtı ta‘rîf-i şer‘î ile mu‘arrefe olan Âişe bt. Mustafa nâm hatun meclis-i şer‘de Mumcu İbrahim Beşe mübâşeretiyle ihzâr ettirdiği Ekmekçi Ali Beşe b. Osman muvâcehesinde târih-i i‘lâmdan dört ay mukaddem gāib ani’l-meclis Derzi Ali nâm kimesneyi kal‘adan ihrâc ettirmek için mezbûr Ekmekçi Ali ile yirmi beş guruş ücret kavl edip ba‘de edâi’l-hizme meblağ-ı mezbûrun üç guruşunu mezbûr Ekmekçi Ali yedinden ba‘de’l-ahz mâ‘adâsı olan yirmi iki guruşu mezbûr Ekmekçi Ali’den taleb ve da‘vâ sadedinde iken bâ-vesâtet-i muslihîn da‘vâ-yı mezkûremden mezbûr Ekmekçi Ali ile iki guruş bedel-i makbûza sulh olup husûs-ı mezkûra müte‘allika âmme-i da‘vâdan mezbûr Ekmekçi Ali’nin zimmetini ibrâ-i âm ile ibrâ ve ıskāt eyledim dediğini mezbûr Ekmekçi Ali tasdîk eylediği Bâb’dan huzûr-ı âlîlerine i‘lâm olundu. Fî 24 min-Zilhicce sene 1162