Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 389 Hüküm no: 495 Orijinal metin no: [63b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Ahmed’in, üzüm bedelinden Ahmed b. Mehmed’e olan borcunu ödemesine yapılan tenbih Ma‘rûz Sahib-i arzuhâl Ahmed b. Mehmed meclis-i şer‘de derûn-ı arzuhâlde mezkûrü’l-ism Hüseyin b. Ahmed muvâcehesinde mezbûr Hüseyin Beşe zimmetinde beynimizde ma‘lûmü’l-vezn üzüm semeninden yüz yetmiş dört guruş hakkımın yüz on yedisini bana edâ ve bâkī elli yedi guruş zimmetinde hakkım bâkī kalmağla taleb ederim deyü ba‘de’d-da‘vâ ve’l-ikrâr mûcebiyle meblağ-ı bâkī-i mezbûr elli yedi guruşun edâsıyla mezbûr Hüseyin Beşe şer‘an ilzâm olunduğu Mahkeme-i Bâb’dan huzûr-ı âlîlerine i‘lâm olundu. Fî 21 Zilhicce sene 1162