Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 389 Hüküm no: 496 Orijinal metin no: [63b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mihail’in emanet eşyası olduğu iddiasıyla Yorgi’ye açtığı davayı ispat edemediği Ma‘rûz [64a] Arzuhâl sahibi Mihal zimmî meclis-i şer‘de derûn-ı arzuhâlde mezkûr Yorgi zimmî muvâcehesinde târih-i i‘lâmdan bir ay mukaddem bir husûs için Bursa’ya gider olduğumda mezbûr Yorgi’nin arzuhâlde mezkûr Tevekkül Hanı’nda sâkin olduğu odasında mecmû‘u otuz beş guruş kıymetli dört buçuk zirâ‘ mavi çuka ve beş endâze alaca şâlî bürüncük gömleğimi mezbûr Yorgi’ye bi-tarîkı’l-emâne def‘ ve teslîm etmişidim hâlâ eşyâ-i mezkûre mevcûde ise a‘yânın müstehleke ise ba‘de’s-sübût kıymet-i şer‘iyelerin taleb ederim deyü ba‘de’d-da‘vâ ve’l-inkâr merkūm Mihal ber-vech-i muharrer müdde‘âsını beyândan ızhâr-ı acz birle bi’t-taleb merkūm Yorgi’ye vech-i şer‘î üzere yemîn verilmeğin mezbûr Mihal bilâ-beyyine bî-vech mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 20 Zilhicce sene 1162