Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 393 Hüküm no: 504 Orijinal metin no: [64b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dişancı v. Hani’nin çuka bedelinden Çukacı İstemat v. Yani’ye olan borcunu ödemesine yapılan tenbih Ma‘rûz İstanbul’da Çukacılar Hânı’nda sâkin Çukacı İstemat v. Yani nâm zimmî meclis-i şer‘de Dişancı v. Hani nâm zimmî muvâcehesinde bundan akdem yedimden iştirâ ve kabz eylediği zirâ‘ı beynimizde ma‘lûm çuka semeninden mesfûr Dişancı zimmetinde yüz altı guruş hakkım olmağla meblağ-ı mezbûru mesfûr Dişancı zimmîden taleb ederim deyü da‘vâ eyledikde ol dahi ber-vech-i muharrer müdde‘î-i mezbûra deyni olduğunu ikrâr ve i‘tirâf etmeğin mûcebiyle meblağ-ı mezbûr yüz altı guruşu müdde‘î-i mezbûr İstemat zimmîye edâ ve teslîme mesfûr Dişancı zimmîye tenbîh olunduğu Mahkeme-i Bâb’dan huzûr-ı âlîlerine i‘lâm olundu bâkī fermân men-lehu’l-emrindir. Fî 29 Zilhicce sene 1162