Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 394 Hüküm no: 505 Orijinal metin no: [64b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. At hamalı İbrahim b. İbrahim’in arpa bedelinden Arpacı Ali Beşe b. İsmail’e olan borcunu ödemesine yapılan tenbih Ma‘rûz Arpacı tâifesinden Ali Beşe b. İsmail meclis-i şer‘de at hamallarından İbrahim b. İbrahim muvâcehesinde mezbûr İbrahim zimmetinde bundan akdem malımdan ve yedimden iştirâ ve kabz eylediği ma‘lûmü’l-mikdâr şa‘îr semeninden on dört buçuk guruş hakkımdan bâ-vesâtet-i muslihîn mezbûr ile on guruşa sulh olmuşidim bedel-i sulh on guruşu mezbûrdan taleb ederim deyü ba‘de’d-da‘vâ ve’s-suâl mezbûr İbrahim cevâbında fi’l-hakīka hâl minvâl-i muharrer üzere olduğunu ikrâr ve i‘tirâf etmeğin alâ-mûceb-i i‘tirâfihî meblağ-ı mezkûr on guruşu müdde‘î-i mezbûr Ali Beşe’ye edâ ve teslîme me’mûr İbrahim’e tenbîh olunduğu Bâb’dan huzûr-ı âlîlerine i‘lâm-şüd. [Fî] 14 Zilka‘de sene 1162