Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 397 Hüküm no: 509 Orijinal metin no: [65b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye bt. Ali’nin Helvacı Ali Bey b. Mustafa’ya olan borcunu ödemesine yapılan tenbih Bâ-mühr-i hazret-i efendi Ma‘rûz Sahib-i arzuhâl Helvâyî Ali Bey b. Mustafa huzûr-ı âlîlerinde ma‘kūd meclis-i şer‘de Rukiye bt. Ali nâm hatun ile zâtı ba‘de’t-ta‘rîfi’ş-şer‘î terâfu‘larında işbu mezbûre Rukiye zimmetinde târih-i i‘lâmdan beş buçuk ay mukaddem Receb-i şerîf’in on beşinde Peykhâne kurbünde kendi menzilimde yedimden müşterâ ve makbûz sarı atlas üzerine beyaz sırma işleme bir aded döşek yüzü semeninden doksan guruş hakkım olmağla taleb ederim deyü ba‘de’d-da‘vâ ve’l-inkâr müdde‘î-i mezbûr müdde‘âsını lede’t-tezkiye adâletleri zâhir olan Mehmed Çelebi b. Ahmed ve Süleyman Çelebi b. Hüseyin şehâdetleriyle mezbûre Rukiye muvâcehesinde vech-i şer‘î üzere isbât etmeğin mûcebince meblağ-ı mezkûr doksan guruşun müdde‘î-i merkūma tamamen edâsıyla mezbûre Rukiye ilzâm olunduğu huzûr-ı âlîlerine i‘lâm olundu. Fî-selhi Zilhicce sene 1162