Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 402 Hüküm no: 518 Orijinal metin no: [66b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çamaşırcı Osman Beşe b. Hasan’a borcu olan Galatalı Şerbetçi Kosta v. Kanalo’ya borcunu ödemesi için yapılan tenbih Ma‘rûz Sahib-i arzuhâl Câmeşûycu Osman Beşe b. Hasan bi’t-terâzî meclis-i şer‘de Kapıkethudâsı Molla Ali mübâşeretiyle ihzâr olunan derûn-ı arzuhâlde mastûrü’l-ism Galatalı Şerbetçi Kosta v. Kanalo zimmî muvâcehesinde mesfûr Kosta zimmetinde ber-mantûk-ı temessük karz-ı şer‘îden beş yüz yirmi dört guruş hakkımın yirmi guruşunu yedinden ahz u kabz edip beş yüz dört guruşu zimmetinde bâkī kalmağla meblağ-ı bâkī-i mezbûr beş yüz dört guruşu mesfûr Kosta’dan taleb ederim deyü da‘vâ eyledikde ol dahi ikrâr ve i‘tirâf etmeğin mûcebiyle meblağ-ı mezbûr beş yüz dört guruşu müdde‘î-i mezbûr Osman Beşe’ye edâ ve teslîme mesfûr Kosta zimmîye tenbîh olunduğu Bâb’dan huzûr-ı âlîlerine i‘lâm olundu. Fî 6 Muharrem sene 1162 [1163]