Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 406 Hüküm no: 524 Orijinal metin no: [67b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha bt. Halil’in boşandığı kocasındaki mehir ve diğer alacaklarının kocasına olan borcuna mahsup edip zimmetlerini ibra ettikleri Ma‘rûz İstanbul’da Kürkçübaşı mahallesinde sâkine ve zâtı ta‘rîf-i şer‘î ile mu‘arrefe olan Sâliha bt. Halil nâm hatun meclis-i şer‘de zevc-i mutallıkı Hüseyin Beşe b. Ömer mahzarında mezbûr Hüseyin Beşe târih-i i‘lâm günü beni bâyinen tatlîk etmekle zimmetinde mütekarrer üç bin akçe mehr-i müeccelim ile nafaka-i iddet ve meûnet-i süknâm için bi’t-terâzî ta‘yîn olunan üç yüz altmış akçe ki min-haysü’l-mecmû‘ üç bin üç yüz altmış akçe hakkımı mezbûr Hüseyin Beşe’nin cihet-i karzdan zimmetimde hakkı olan üç bin üç yüz altmış akçeye takās ve mahsûb eylediğimde ol dahi ber-vech-i muharrer mukāssa ve kabûl eyleyip hukūk-ı zevciyete müte‘allika da‘vâdan herbirimiz âharın zimmetini ibrâ ve kabûl eyledik deyü olan ikrârın[ı] mezbûr Hüseyin Beşe dahi tasdîk eylediği Bâb Mahkemesi’nden mübâşirleri Mumcu Mehmed Beşe iltimâsıyla huzûr-ı âlîlerine i‘lâm olundu. Fî 7 Muharrem sene 1163