Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 411 Hüküm no: 531 Orijinal metin no: [68b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocası Mehmed’in izni olmadan parasını alan Rukiye bt. Ahmed’in, parayı kocasına iade etmesine yapılan tenbih Ma‘rûz Zâtı ta‘rîf-i şer‘î ile mu‘arrefe olup Mumcu Hacı Mustafa Beşe mübâşeretiyle Bâb Mahkemesi’ne ihzâr olunan Rukiye bt. Ahmed nâm hatunun zevci es-Seyyid Mehmed meclis-i şer‘-i hatîrde mezbûre Rukiye Hatun muvâcehesinde târih-i i‘lâmdan kırk gün mukaddem mezbûre Rukiye Hatun cebimden iki zer-i mahbûb ile beş guruşumu bi-gayr-ı hakkın ahz edip hatta Müslimîn huzûrlarında ikrâr ve işhâd dahi etmişidi hâlâ meblağ-ı mezkûru zevcem mezbûre Rukiye’den taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını imâm vekîli Feyzullah Efendi b. Mustafa ve el-Hâc Mustafa b. Mehmed şehâdetleriyle mezbûre Rukiye muvâcehesinde vech-i şer‘î üzere isbât etmeğin mûcebince meblağ-ı mezkûr iki zer-i mahbûb ile beş guruşu müdde‘î-i mezbûr es-Seyyid Mehmed’e edâ ve teslîme mezbûre Rukiye’ye tenbîh olunduğu huzûr-ı âlîlerine i‘lâm olundu. Fî 20 Zilhicce sene 1162