Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 412 Hüküm no: 533 Orijinal metin no: [68b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sebzeci Petro v. Üstoyan’ın alacak iddiasıyla Bahçıvan Minnet v. Sinan’a açtığı davada sulh olduğu Ma‘rûz Sebzeci tâifesinden sahib-i arzuhâl Petro v. Üstoyan meclis-i şer‘-i enverde Bahçevan Minnet v. Sinan muvâcehesinde târih-i i‘lâmdan iki ay mukaddem Büyükdere’de vâki‘ tarlasında hâsıl bal kabağını yüz seksen guruşa mesfûr Minnet’den [69a] kemâl bulunca tarlasında durmak kavli ile yüz seksen guruşa iştirâ ve kemâl buldukda bey‘ eylediğimde ancak yüz guruşu hâsıl olup medfû‘um olan yüz elli guruş peşînin elli guruşunu istirdâd ederim deyü tesâddî eylediği da‘vâsından bâ-vesâtet-i muslihîn mesfûr Minnet zimmî ile on beş guruş bedel-i makbûza sulh olup mâ‘adâsına ve husûs-ı mezkûra müte‘allika âmme-i da‘vâdan herbiri âharın zimmetini ibrâ eylediği Mahkeme-i Bâb’da ba‘de’t-tescîl mübâşirleri Mahmud Çavuş iltimâsıyla huzûr-ı âlîlerine i‘lâm olundu el-emrü li-men-lehu’l-emr. Fî 11 min-Muharrem sene 1163