Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 421 Hüküm no: 548 Orijinal metin no: [70b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zâim Süleyman Ağa b. Abdullah’ın, alacak iddiasıyla Hacı Hasan Ağa b. Abdullah’a açtığı davayı ispat edemediği Ma‘rûz Sahib-i arzuhâl Za‘îm Süleyman Ağa b. Abdullah Bâb Mahkemesi’nde arzuhâlde mastûrü’l-ism olup el-Hâc Hasan Çavuş mübâşeretiyle meclis-i şer‘a ihzâr ettiği el-Hâc Hasan Ağa [b.] Abdullah muvâcehesinde târih-i i‘lâmdan üç sene mukaddem bir husûsun temşiye[ti]’çün mezbûr el-Hâc Hasan Ağa’ya malımdan bi-tarîkı’r-rüşve yirmi Mısır zencirîsi altın ve yirmi zer-i mahbûbî altın vermişidim husûs-ı mezkûr husûl-pezîr olmamağla kendiye medfû‘um olan kırk altınımı mezbûr el-Hâc Hasan Ağa’dan taleb ederim deyü ba‘de’d-da‘vâ ve’l-inkâr müdde‘î-i merkūm Süleyman Ağa ber-vech-i muharrer müdde‘âsını bir vechile beyâna kādir olmayıp bi’t-taleb mezbûr el-Hâc Hasan Ağa’ya vech-i şer‘î üzere yemîn verilmeğin mûcebiyle müdde‘î-i merkūm Süleyman Ağa bilâ-beyyine-i âdile mezbûr el-Hâc Hasan Ağa’ya bî-vech mu‘ârazadan men‘ olunduğu huzûr-ı âlîlerine i‘lâm olundu emr ü fermân men-lehu’l-emrindir. Fî 17 Muharrem sene 1163