Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 421 Hüküm no: 549 Orijinal metin no: [71a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Attar Ahmed b. Mustafa’nın kahve bedelinden alacağı olan Kahveci Yazıcı Hasan b. Abdullah’a açtığı davada sulh olup zimmet ibrası yaptığı Ma‘rûz Sahib-i arzuhâl Attar Ahmed b. Mustafa meclis-i şer‘-i hatîrde derûn-ı arzuhâlde mezkûr Kahveci Yazıcı Hasan b. Abdullah muvâcehesinde mezbûr Hasan Yazıcı zimmetinde yedimden iştirâ eylediği kahve semeninden yirmi beş guruş hakkım bâkī kalmağla taleb ederim deyü tesâddî eylediğim da‘vâmdan bâ-vesâtet-i muslihîn mezbûr Hasan Yazıcı ile an-inkâr on iki guruş bedel-i makbûza sulh olup mâ‘adâsına ve bedel-i sulha müte‘allika âmme-i da‘vâdan herbirimiz âharın zimmetini ibrâ eyledik deyü olan ikrârını mezbûrun tasdîk eylediği Mahkeme-i Bâb’dan mübâşirleri Kapıkethudâsı İsmail Beşe ile huzûr-ı âlîlerine i‘lâm olundu. Fî 17 min-Muharremi’l-harâm sene 1163