Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 424 Hüküm no: 555 Orijinal metin no: [71b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Mahmud’a kösele bedelinden borcu olan Debbağ Usta Hasan b. Mustafa’ya borcunu ödemesine yapılan tenbih Ma‘rûz Sahib-i arzuhâl el-Hâc Ahmed b. Mahmud meclis-i şer‘de derûn-ı arzuhâlde mezkûrü’l-ism debbağlardan Usta Hasan b. Mustafa muvâcehesinde mezbûr Usta Hasan zimmetinde bundan akdem yedimden iştirâ ve kabz eylediği beynimizde ma‘lûmü’l-aded kâvsale semeninden kır[k] bir guruş ve bir rub‘ guruş hakkım olmağla taleb ederim deyü da‘vâ eyledikde ol dahi meblağ-ı mezbûr ber-vech-i muharrer cihet-i mezkûreden deyni olduğunu ikrâr ve i‘tirâf etmeğin mûcebince meblağ-ı mezbûr kırk bir guruş ve bir rub‘ guruşu müdde‘î-i mezbûr el-Hâc Ahmed’e edâ ve teslîme mezbûr Usta Hasan’a tenbîh olunduğu Mahkeme-i <> Bâb’dan mübâşirleri Kapıkethudâsı Küçük Mehmed kulları iltimâsıyla huzûr-ı âlîlerine i‘lâm olundu. Fî 21 Muharrem sene 1163