Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 425 Hüküm no: 556 Orijinal metin no: [71b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bogasıcı İsmail b. Mehmed’in alacak iddiasıyla Sicilyateyn tercümanlarından Esteryo v. Andreya’ya açtığı davayı ispat edemediği Ma‘rûz Bogāsıcı tâifesinden sahib-i arzuhâl İsmail b. el-Hâc Mehmed meclis-i şer‘de Sicilyateyn tercümanlarından bâ-berat-ı âlîşân tercüman olup derûn-ı arzuhâlde mastûr Esteryo v. Andreya nâm tercüman muvâcehesinde Covanni nâm tercüman hazır olduğu hâlde bin yüz kırk sekiz senesinde gāib ani’l-beled Yanyalı Manol nâm zimmînin yedimden iştirâ ve kabz eylediği adedi beynimizde ma‘lûm bogası semeninden on iki guruş hakkıma târih-i mezkûrda mesfûr Esteryo kefîl bi’l-mâl olmağla meblağ-ı mezbûr yüz on iki guruşu bi-hükmi’l-kefâle mesfûr Esteryo’dan taleb ederim deyü ba‘de’d-da‘vâ ve’l-inkâr müdde‘î-i mezbûr İsmail ber-vech-i muharrer müdde‘âsını beyâna kādir olmamağla mesfûr Esteryo bi’t-taleb tahlîf olunmağın mûcebiyle müdde‘î-i mezbûr İsmail bilâ-beyyine bî-vech mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 20 Muharrem sene 1163