Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 429 Hüküm no: 563 Orijinal metin no: [72b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tütün teli satan esnaftan İbrahim, Yakub ve Mahmud’un, usule aykırı satış yaptığı iddiasıyla Mahmud b. Hüseyin’e açtıkları davanın reddedildiği Ma‘rûz Derûn-ı arzuhâlde mezkûrü’l-ism olup duhan teli bey‘ eden tâifeden İbrahim b. Abdullah ve Yakub b. Mehmed ve el-Hâc Mahmud b. Mehmed nâm kimesneler meclis-i şer‘-i enverde yine tâife-i mezbûreden sahib-i arzuhâl Mahmud b. Hüseyin nâm kimesne muvâcehesinde mezbûr Mahmud beynimizde verilegelen nizâmımıza mugāyir duhan teli iştirâ ve bey‘ etmesine kanâ‘at etmeyip tel ve iğne iştirâ ve bey‘ eyleyip nizâmımızın ihtilâline bâ‘is olmağla men‘ olunması matlûbumuzdur deyü olan teşekkîlerinde mezbûrûnun yedlerinde takrîrleri üzere men‘i mutazammın bir senedleri olmayıp mezbûr Mahmud’un yedine i‘tâ buyrulan fetvâ-yı şerîfe mantûkunca mezbûrûnun eyledikleri teşekkîleri meşrû‘ olmamağla ber-mûceb-i fetvâ-yı şerîfe sahib-i arzuhâl mezbûr Mahmud’un tel ve iğne iştirâ ve bey‘ine bî-vech müdâhale ve mümâna‘at etmemek üzere mezbûrûn İbrahim ve Yakub ve el-Hâc Mahmud’a tenbîh olunduğu Mahkeme-i Bâb’dan huzûr-ı âlîlerine i‘lâm olundu el-emrü li-men-lehu’l-emr. Fî 27 Muharrem sene 1163