Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 437 Hüküm no: 576 Orijinal metin no: [74a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hassa bostancılarından Süleyman b. Abdullah’ın, kendisini darp edip dişini kırdığı iddiasıyla Bostancı Mustafa b. Ali’ye açtığı davayı ispat edemediği Ma‘rûz Hâssa bostancılarından sahib-i arzuhâl Süleyman b. Abdullah nâm bostânî Bâb Mahkemesi’nde Süleyman Haseki mübâşeretiyle meclis-i şer‘a ihzâr ettirdiği Mustafa b. Ali nâm bostânî muvâcehesinde mezbûr Mustafa Bostânî târih-i i‘lâmdan on altı gün mukaddem Saray-ı cedîd-i sultânî’de sa‘âdetlü silâhdâr ağası hazretlerinin ahırları sofası önünde yumruk ile bi-gayr-ı hakkın ağzıma darb eyleyip darbından nâşî sol tarafımın önünden bir üst dişimi çıkarmağla mûceb-i şer‘îsini mezbûr Mustafa Bostanî’den taleb ederim deyü ba‘de’d-da‘vâ ve’l-inkâr müdde‘î-i merkūm Süleyman ber-vech-i muharrer müdde‘âsını bir vechile beyâna kādir olmayıp ityân-ı beyyineden ızhâr-ı acz birle mezbûr bostânîye bi’t-taleb vech-i şer‘î üzere yemîn verilmeğin mûcebiyle müdde‘î-i merkūm Süleyman bilâ-beyyine-i âdile bî-vech mu‘ârazadan men‘ olunduğu mübâşir-i merkūm iltimâsıyla huzûr-ı âlîlerine i‘lâm olundu. Fî 4 S sene 1163