Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 438 Hüküm no: 578 Orijinal metin no: [74b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Hasan’ın, kendisini boşayan kocasında mehir ve nafaka bedelinden alacak iddiasıyla Salih Efendi b. Mehmed’e açtığı davada sulh olup birbirlerinin zimmetlerin ibra ettikleri Ma‘rûz Zâtı İsmail b. Osman ve İbrahim b. Derviş ta‘rîfleriyle mu‘arrefe olan sahibe-i arzuhâl Fâtıma bt. Hasan nâm hatun meclis-i şer‘de zevc-i sâbıkı olup derûn-ı arzuhâlde mezkûrü’l-ism Salih Efendi b. Mehmed muvâcehesinde mezbûr Salih Efendi târih-i i‘lâmdan yirmi dört gün mukaddem beni bâyinen tatlîk etmekle zimmetinde mütekarrer üç bin akçe mehr-i müeccelim ile nafaka-i iddet-i bakıyemi taleb ve da‘vâya tesâddî eylediğimde ol dahi cevâbında mehr-i mezkûrun ile nafaka-i iddet ve meûnet-i süknân mukābelesinde bir mavi çuka ferâce ve bir şâlî entâri ve bir baş yemenîsi ve bir bacaklı altın verip hukūk-ı zevciyete müte‘allika âmme-i da‘vâdan benim zimmetimi ibrâ ve ıskāt eyledin dedikde ben dahi eşyâ-i mezkûre ile mezkûr altını bana mukaddemâ hîbe ve temlîk etmişidin deyüp beynimizde ba‘de’l-münâza‘a bâ-vesâtet-i muslihîn mezbûr Salih Efendi ile üç zer-i mahbûb altını bedel-i makbûza sulh olup eşyâ-i mezkûreye ve hukūk-ı zevciyete müte‘allika âmme-i da‘vâdan birbirimizin zimmetini ibrâ ve ıskāt eyledik deyü olan ikrârını mezbûr Salih Efendi dahi tasdîk eylediği Mahkeme-i Bâb’dan Mehter İbrahim kulları ile huzûr-ı âlîlerine i‘lâm olundu. Fî 4 Safer sene 1163