Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 440 Hüküm no: 581 Orijinal metin no: [74b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye bt. Ahmed’in kendisini boşadığı iddiasıyla mehir talep ettiği kocası Ahmed Çelebi b. Mustafa’nın karısını boşamadığı Ma‘rûz İstanbul’da Davud Paşa Câmi‘-i şerîfi kurbünde vâki‘ İbrahim Paşa mahallesinde sâkine zâtı ta‘rîf-i şer‘î ile mu‘arrefe olan Rukiye bt. Ahmed nâm hatun Mahkeme-i Bâb’da meclis-i şer‘de zevc-i dâhili Ahmed Çelebi b. Mustafa muvâcehesinde bundan akdem sâkine olduğum menzilimde zevcim mezbûr Ahmed Çelebi bana irâdetin elinde olsun deyüp ben mezbûr Ahmed Çelebi’den bâyin-i talâk boş olmamla zimmetinde mütekarrer ve ma‘kūdün-aleyh olan kırk guruş mehr-i müeccelimi mezbûr Ahmed Çelebi’den taleb ederim deyü da‘vâ eyledikde mezbûr Ahmed Çelebi dahi cevâbında fi’l-hakīka müdde‘iye-i mezbûre Rukiye Hatun kırk guruş mehr-i müeccel tesmiyesiyle zevcesi [75a] olduğunu ikrâr lâkin ber-vech-i meşrûh irâdetin elinde olsun deyü tatlîkını inkâr edicek müdde‘iye-i mezbûre Rukiye Hatun müdde‘âsını beyândan ızhâr-ı aczile istihlâf etmeğin mezbûr Ahmed Çelebi bi’t-taleb tahlîf olunmağın mûcebiyle müdde‘iye-i mezbûre Rukiye Hatun bilâ-beyyine bî-vech mu‘ârazadan men‘ olunup nefsini teslîme mezbûre Rukiye Hatun’a tenbîh olunduğu bi’l-iltimâs huzûr-ı âlîlerine i‘lâm olundu. Fî 4 Safer sene 1163