Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 446 Hüküm no: 590 Orijinal metin no: [76a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Abdullah’ın kocası Mehmed b. Abdullah’tan muhâlaa yoluyla boşandığı Ma‘rûz Sahib-i arzuhâl es-Seyyid Hasan nâm bostânînin kayınvâlidesi olup zâtı ta‘rîf-i şer‘î ile mu‘arrefe olan Fâtıma bt. Abdullah nâm hatun meclis-i şer‘-i hatîrde derûn-ı arzuhâlde ismi mezkûr zevc-i dâhili es-Seyyid Mehmed b. es-Seyyid Abdullah nâm kimesne ile beynlerinde hüsn-i mu‘âşeretleri olmamağla zevci mezbûrun zimmetinde mütekarrer ve ma‘kūdün-aleyh yirmi guruş mehr-i müecceli ve nafaka-i iddet-i ma‘lûmesi üzerlerine ve meûnet-i süknâsı dahi kendi üzerine olmak üzere zevci mezbûr es-Seyyid Mehmed ile muhâla‘a-i sahîha-i şer‘iye ile hul‘ oldukda ol dahi ber-vech-i muharrer hul‘-ı mezbûru kabûl eyleyip hukūk-ı zevciyete müte‘allika âmme-i da‘vâdan herbiri âharın zimmetini ibrâ ve ıskāt edip kat‘-ı nizâ‘ ettikleri Mahkeme-i Bâb’dan huzûr-ı âlîlerine i‘lâm olundu el-emrü li-men-lehu’l-emr. Fî 15 S sene 1163