Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 449 Hüküm no: 595 Orijinal metin no: [76b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avram v. Kamal’ın Gürcü asıllı olup Müslüman olan cariyesi Hatice’yi Müslüman bir şahsa satması için yapılan tenbih Bâ-mühr-i hazret-i efendi Ma‘rûz Rıkka olduğunu mu‘terife orta boylu kara kaşlı kara gözlü Gürciyyetü’l-asl Müslimetü’l-mille Hadîce nâm câriye-i memlûke meclis-i şer‘de mâliki olan Avram v. Kamal muvâcehesinde ben fi’l-asl Gürciyye ve Nasrâniyetü’l-mille olduğumdan işbu mesfûr Avram Yahûdî yedinde memlûke câriyesiyim lâkin bi-hidâyetillâhi te‘âlâ târih-i i‘lâmdan bir gün mukaddem şeref-i İslâm ile müşerrefe olmamla mesfûr Avram Yahûdî beni ehl-i İslâm’dan bir kimesneye bey‘ eylesin dedikde mesfûr Avram Yahûdî mevsûfe-i mezkûre yedinde câriye-i memlûkesi olduğunu mukır ve mu‘terif olmağla mezbûreyi ehl-i İslâm’dan bir kimesneye bey‘ edip istihdâm etmemek üzere mesfûr Avram Yahûdî’ye tenbîh-i şer‘î olunduğu huzûr-ı âlîlerine i‘lâm olundu. Fî 20 Safer sene 1163