Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 455 Hüküm no: 604 Orijinal metin no: [78a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani v. Hrito’nun Şerbetçi Romanos v. Anastaş’a açtığı alacak davasında sulh oldukları Ma‘rûz Sahib-i arzuhâl Yani v. Hrito zimmî meclis-i şer‘de derûn-ı arzuhâlde mastûr Şerbetçi Romanos v. Anastaş nâm zimmî muvâcehesinde bundan akdem hâlik olan karındaşım Bakkāl Apostol zimmî zimmetinde ber-mûceb-i temessük seksen guruş hakkım olmağla mesfûr Romanos zimmî karındaşım hâlik-i mesfûrun hayatında şerîki olmağla binâenaleyh zikrolunan deyn temessüğünü mesfûr Romanos zimmîye bi-tarîkı’l-emâne vaz‘ ve teslîm eyledim taleb ederim deyü ba‘de’d-da‘vâ ve’l-inkâr müdde‘î-i mezbûr Yani zimmî ber-vech-i muharrer müdde‘âsından bâ-vesâtet-i muslihîn mesfûr Romanos zimmî ile üç guruş bedel-i makbûza sulh olup husûs-ı mezkûra müte‘allika âmme-i da‘vâdan mesfûr Romanos zimmînin zimmetini ibrâ ve ıskāt eyledim deyü olan ikrârını mesfûr Romanos zimmî tasdîk eylediği Bâb’dan huzûr-ı âlîlerine i‘lâm olundu bâkī fermân men-lehu’l-emrindir. Fî 28 Safer sene 1163