Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 460 Hüküm no: 612 Orijinal metin no: [79a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Hasan’ın, kalan alacağının ödenmesi talebiyle Ayşe ve annesi Fâtıma’ya açtığı davada sulh olup birbirlerinin zimmetlerini ibra ettikleri Ma‘rûz İ‘lâm-ı sâbıkda mezkûreti’l-ism dâine Âişe bt. Hasan nâm hatun zâtı ba‘de’t-ta‘rîfi’ş-şer‘î meclis-i şer‘-i enverde yine i‘lâmda mezkûretânü’l-ism Âişe ve anası Fâtıma nâm medyûneler i‘lâm-ı mezkûrda mahkûmun-bih hakkım olan yüz otuz dört guruş ve bir rub‘ guruşdan yüz guruşunu yedlerinden ahz u kabz edip bâkī otuz dört guruş ve bir rub‘ guruş hakkımdan bâ-vesâtet-i muslihîn mezbûre Âişe ve anası Fâtıma ile on beş guruş bedel-i makbûza sulh olup mâ‘adâsına müte‘allika âmme-i da‘vâdan mezbûrât Âişe ve anası Fâtıma’nın ve mezbûre Âişe’nin zevci ve kefîlleri işbu hazır bi’l-meclis Mehmed Efendi’nin zimmetlerini ibrâ ve ıskāt eylediğimde onlar dahi bedel-i sulh deyü medfû‘ları olan meblağ-ı mezbûr on beş guruşa ve ribh olmak üzere edâ eyledikleri yirmi dokuz guruşa müte‘allika âmme-i da‘vâdan benim zimmetimi ibrâ ve ıskāt eylediler deyü olan ikrârını mezbûrlardan herbiri tasdîk edip kat‘-ı nizâ‘ eylediler deyü olan ikrârını mezbûrlardan herbiri tasdîk edip husûs-ı mezkûrda bu vechile kat‘-ı nizâ‘ eyledikleri Mahkeme-i Bâb’dan huzûr-ı âlîlerine i‘lâm olundu. Fî 3 Rebî‘ülevvel sene 1163