Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 465 Hüküm no: 619 Orijinal metin no: [80a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mumcu Uzun Mehmed Beşe’nin don yağı bedelinden Tüccar İsmail’e olan borcunu ödemesine yapılan tenbih Ma‘rûz Don yağı tüccârından bâ‘is-i i‘lâm İsmail nâm kimesne Bâb Mahkemesi’nde mumcu tâifesinden olup Muhzır Yusuf mübâşeretiyle meclis-i şer‘a ihzâr ettirdiği Uzun Mehmed Beşe mahzarında târih-i i‘lâmdan sekiz ay mukaddem mahrûse-i Galata hâricinde vâki‘ kapanda olan tevzî‘de mezbûr Uzun Mehmed Beşe beher vakıyyesi yirmi altışar akçeye olmak üzere yedimden iştirâ ve kabz eylediği yüz vakıyye don yağımın semeni olan iki bin altı yüz akçe zimmetinde kalmağla meblağ-ı mezbûru mezbûr Uzun Mehmed Beşe’den taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını tüccâr-ı mezbûr Süleyman b. Hasan ve İsmail b. Ahmed nâm kimesneler şehâdetleriyle mezbûr Uzun Mehmed muvâcehesinde vech-i şer‘î üzere isbât etmeğin mûcebince meblağ-ı mezkûr iki bin altı yüz akçeyi müdde‘î-i merkūm İsmail’e edâ ve teslîme mezbûr Uzun Mehmed’e tenbîh olundu Mahkeme-i Bâb’dan huzûr-ı âlîlerine i‘lâm olundu. Fî 8 min-Rebî‘ülevvel sene 1163