Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 80 Hüküm no: 49 Orijinal metin no: [12b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bafra kazasında bulunan Kaşıkçı, Çorak, Kavak, Kelikler, Yağbasan ve Kanlıcak mâlikânelerinin Halil’e tevcihi Ma‘rûz, Bafra kazâsında vâki‘ Kaşıkçı tâbi‘-i Pazarlı ve Çorak ma‘a Kavak ve Kelikler ve Yağbasan ve Kanlıcak tâbi‘-i Pazarlı mâlikâneleri mezbûr Abdurrahman’ın mülkiyet üzere el-yevm bâ-berât-ı âlîşân üzerinde olduğu askerî rûznâmçesinden derkenâr olunmağla iktizâsı i‘lâm olunmak bâbında sâdır olan fermân-ı âlîşâna imtisâlen kazâ-i mezbûr ahâlîsinden bu esnâda Der-aliyye’ye gelen talebe-i ulûmdan Ali Efendi b. Mustafa ve es-Seyyid Mehmed Efendi b. Mehmed nâm kimesneler meclis-i şer‘a celb ile keyfiyeti gereği gibi etrâfıyla suâl olundukda inhâ olunduğu üzere merkūm Abdurrahman’ın bilâ-veled fevti vâki‘ ve mezbûr Halil erbâb-ı istihkākdan olduğunu her biri alâ-tarîkı’ş-şehâde ihbâr etmeleriyle bu sûretde mâlikâne-i mezkûre müteveffâ-yı mezbûrun mahlûlünden merkūm Halil’e tevcîh ve kaleminden yedine beratı i‘tâ olunmak iktizâ eylediği huzûr-ı âlîlerine i‘lâm olundu, bâkī emr ü fermân hazret-i veliyyü’l-emrindir. Fi’l-yevmi’l-hâdî ve’l-işrîn min-Cumâdelâhire sene semân ve erba‘în ve mieteyn ve elf.