Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 466 Hüküm no: 622 Orijinal metin no: [80b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Mihal v. Yorgi’nin, diktiği eşyaların bedelinden alacak iddiasıyla Tabib Mikel v. Manol’a açtığı davada sulh yoluyla alacağını tahsil ettiği Ma‘rûz Derzi tâifesinden sahib-i arzuhâl Mihal v. Yorgi zimmî meclis-i şer‘de derûn-ı arzuhâlde mastûr Tabib Mikel v. Manol zimmîye bundan akdem dikdiğim eşyânın harc ve üstâdiyesinden müctemi‘ mesfûr Mikel zimmetinde elli yedi guruş hakkım var taleb ederim deyü tesâddî eylediğim da‘vâmdan bâ-vesâtet-i muslihîn mesfûr Mikel ile an-inkâr sekiz guruş bir rub‘ guruş bedel-i makbûza sulh olup meblağ-ı mezbûrun mâ‘adâsına müte‘allika âmme-i da‘vâdan mesfûr Mikel zimmînin zimmetini ibrâ-i âm ile ibrâ ve ıskāt eyledim deyü olan ikrârını mesfûr Mikel dahi tasdîk eylediği Mahkeme-i Bâb’dan huzûr-ı âlîlerine i‘lâm olundu. Fî 13 min-Rebî‘ülevvel sene 1163