Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 467 Hüküm no: 623 Orijinal metin no: [80b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aşçı Ohannes v. Bogos’un kefaletten dolayı olan borcunu Süprüntücü Agop v. Nazar’a ödemesi için yapılan tenbih Ma‘rûz Sahib-i arzuhâl Süpüründücü Agop v. Nazar meclis-i şer‘de derûn-ı arzuhâlde mezkûrü’l-ism Mahmudpaşa kurbünde mütemekkin aşçı tâifesinden Ohannes v. Bogos muvâcehesinde gāib ani’l-meclis yine tâife-i mezbûreden Arakil v. Haçok zimmî zimmetinde bâ-temessük olan kırk guruş hakkıma târih-i i‘lâmdan iki buçuk sene mukaddem mezbûr Aşçı Ohannes bi’l-emr ve’l-kabûl kefâlet-i sahîha-i şer‘iye ile kefîl olmağla meblağ-ı mezkûr kırk guruşu mezbûr Aşçı Ohannes zimmîden bi-hükmi’l-kefâle taleb ederim deyü ba‘de’d-da‘vâ ve’l-inkâr müdde‘î-i mezbûr Agop merkūm Ohannes’in kefâletini lede’t-tezkiye şehâdetleri makbûle olan Artin v. Abrican ve Kalos v. Versam şehâdetleriyle mezbûr Ohannes muvâcehesinde vech-i şer‘î üzere ba‘de’l-isbât ve’l-kabûl mûcebiyle meblağ-ı mezkûr kırk guruşu müdde‘î-i mezbûr Süpüründücü Agop v. Nazar’a bi-hükmi’l-kefâle edâ ve teslîme mezbûr Aşçı Ohannes zimmîye tenbîh olunduğu <> Mahkeme-i Bâb’dan mübâşirleri el-Hâc Ali Çavuş ile huzûr-ı âlîlerine i‘lâm olundu. Fî 13 Rebî‘ülevvel sene 1163