Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 469 Hüküm no: 627 Orijinal metin no: [81a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma Hatun’un, firar eden kocası Attar İbrahim’in dükkân gediğini sattığı Mehmed b. Veli’nin kocasını kendisine vermesi talebiyle açtığı davanın hukuksuz olduğundan reddedildiği Ma‘rûz Mahmiye-i İstanbul’da Altımermer ekmekçi fırını kurbünde odalarda sâkine derûn-ı arzuhâlde mezkûreti’l-ism Fâtıma Hatun zâtı ba‘de’t-ta‘rîfi’ş-şer‘î meclis-i şer‘de sahib-i arzuhâl Mehmed b. Veli ile bir gün mukaddem Bâb Mahkemesi’nde terâfu‘larında bundan akdem gāib ani’l-beled zevcim Attar İbrahim nâm kimesne mahmiye-i mezbûrede sûk-ı zindânda vâki‘ duhancı dükkânında olan gediğini mezbûr Mehmed’e bey‘ edip zevcim mezbûr İbrahim firâr etmekle mücerred dükkân gediğini almağla zevcimi mezbûr Mehmed’den taleb ederim deyü eylediği da‘vâsı takrîr üzere meşrû‘â olmamağla iltifât olunmayıp mezbûre Fâtıma husûs-ı mezkûrda bî-vech mu‘ârazadan men‘ olunduğu mübâşirleri Kapıkethudâsı Ali Beşe kulları ile imtisâlen li’l-emri’l-âlî huzûr-ı âlîlerine i‘lâm olundu. Fî 14 Ra sene 1163