Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 470 Hüküm no: 630 Orijinal metin no: [81a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arabzâde Hacı Mustafa Mustafa b. Hacı Mehmed’in, İsmail b. Hacı Osman’daki alacağını taksitler halinde almak üzere anlaştığı Ma‘rûz Bâ‘is-i i‘lâm Arabzâde el-Hâc Mustafa b. el-Hâc Mehmed nâm kimesne meclis-i şer‘-i enverde medyûnu İsmail b. el-Hâc Osman nâm kimesne muvâcehesinde medyûn-ı mezbûr İsmail’in cihet-i deyn-i şer‘îden bana zimmetinde edâsı lâzım deyni olan yetmiş guruşu hâlen ve def‘aten edâya bir vechile iktidârı olmamağla tecîl ve taksîte tâlib oldukda ben dahi medyûn-ı mezbûr İsmail beher doksan günde verilen ulûfeden onar guruş verip târih-i i‘lâmdan yirmi bir ay tamamına değin deyn-i meblağ-ı mersûm yetmiş guruşu yedi taksît ile bana tamamen edâ etmek üzere medyûn-ı mezbûr İsmail’i tecîl ve taksît eylediğimde ol dahi ba‘de’l-kabûl ber-vech-i taksît-i mezkûr yetmiş guruşu müddet-i madrûbesi tamamınadek edâya ta‘ahhüd ve iltizâm eyleyip bu vechile kat‘-ı nizâ‘ eyledik deyü olan ikrârını medyûn-ı mezbûr İsmail dahi tasdîk eylediği Mahkeme-i Bâb’dan huzûr-ı âlîlerine i‘lâm olundu. Fî-müntasıfı Ra sene 1163