Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 477 Hüküm no: 639 Orijinal metin no: [82b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Osman Çavuş’un, babası Osman Çavuş b. Hüseyin’in ölümüne sebep olduğu iddiasıyla Hekim Apostol’a açtığı davada sulh olduğu Ma‘rûz Derûn-ı arzuhâlde mezkûr müteveffâ Osman Çavuş b. Hüseyin b. Abdullah’ın verâseti arzuhâl sahibeleri zevce-i metrûkesi Râbia bt. Abdullah nâm hatun ile sulbiye kebîre kızı Hadîce ve sagīre kızı Âişe’ye inhisârı tahakkukundan sonra zâtı Muhtâr Ağa ve Mustafa Ağa ibney el-Hâc Hüseyin Ağa ta‘rîfleriyle mu‘arrefe olan bint-i kebîre-i mezbûre Hadîce meclis-i şer‘-i enverde derûn-ı arzuhâlde ismi mezkûr Hekîm Apostol v. Petro nâm zimmî muvâcehesinde babam müteveffâ-yı mezbûr Osman Çavuş nâzile illetine mübtelâ olmağla târih-i i‘lâmdan iki ay mukaddem mesfûr Apostol zimmî babam mezbûr Osman Çavuş’un başına bir yakı koyup iki sâ‘at mürûrunda babam mezbûr Osman Çavuş müteessiren vefât eyledi deyü da‘vâya tesâddî etmişidim el-hâletü hâzihî bâ-tavassut-ı muslihîn da‘vâ-yı mezkûremden mesfûr Apostol zimmî ile altı Mısır zencilisi [zencirisi] altın bedel-i makbûza sulh olup husûs-ı mezkûra müte‘allika âmme-i da‘vâdan mesfûr Apostol zimmînin zimmetini ibrâ ve ıskāt eyledim deyü olan ikrârını mesfûr Apostol dahi tasdîk eylediği Mahkeme-i Bâb’dan huzûr-ı âlîlerine i‘lâm olundu. Fî 25 min-Rebî‘ülevvel sene 1163