Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 481 Hüküm no: 645 Orijinal metin no: [83b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeyneb bt. Abdullah’ın geçinemediği kocası Aşçı Mehmed b. Süleyman’dan muhâlaa yoluyla boşandığı Ma‘rûz Sâbıkā mahmiye-i İstanbul’da Camcı Ali mahallesinde sâkine ve hâlâ kasaba-i Tophâne’de Firuzağa mahallesinde sâkine olup zâtı mârrü’z-zikr Camcı Ali mahallesi müezzini Molla Hüseyin b. Mehmed ve Mehmed b. Ahmed ta‘rîfleriyle mu‘arrefe olan Zeyneb bt. Abdullah Mahkeme-i Bâb’da meclis-i şer‘de zevc-i dâhili hâssa tabbâhlardan sahib-i arzuhâl Mehmed b. Süleyman muvâcehesinde mezbûr Mehmed zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh olan üç bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve mezbûr Mehmed’e medfû‘um olan beş guruş bedel-i hul‘ olup ve meûnet-i süknâm dahi kendi üzerime olmak üzere mezbûr Mehmed ile muhâla‘a-i sahîha-i şer‘iye ile hul‘ olduğumda ol dahi ber-vech-i muharrer hul‘-ı mezbûru ba‘de’l-kabûl hukūk-ı zevciyete müte‘allika âmme-i da‘vâdan herbirimiz âharın zimmetini ibrâ-i âmm-ı râfi‘u’l-hısâm ile ibrâ ve ıskāt eyledik deyü olan ikrârını mezbûr Mehmed dahi tasdîk eylediği mübâşirleri Hüseyin Çavuş iltimâsıyla huzûr-ı âlîlerine i‘lâm olundu. Fî-selhi Rebî‘ülevvel sene 1163