Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 481 Hüküm no: 646 Orijinal metin no: [83b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Derviş Ahmed b. Hüseyin’in alacak iddiasıyla Tavukçu Osman b. Abdullah’a açtığı davayı ispat edemediği Ma‘rûz Kasaba-i Tophâne’de Firuzağa mahallesi ahâlîsinden sahib-i arzuhâl Derviş Ahmed b. Hüseyin meclis-i şer‘de derûn-ı arzuhâlde mezkûrü’l-ism Tavukçu Osman b. Abdullah muvâcehesinde bin yüz altmış iki senesi Ramazan-ı şerîf’inin on beşinci günü mârrü’z-zikr Firuzağa mahallesinde vâki‘ kendi menzilimde ber-mantûk-ı temessük mezbûr Tavukçu Osman’a iki yüz yirmi guruş ikrâz ve teslîm ol dahi istikrâz ve tesellüm ve kendi mesârifine sarfla istihlâk etmekle hâlâ meblağ-ı mezbûr iki yüz yirmi guruşu mezbûr Tavukçu Osman’dan taleb ederim deyü ba‘de’d-da‘vâ ve’l-inkâr müdde‘î-i mezbûr Derviş Ahmed ber-vech-i muharrer müdde‘âsını beyâna kādir olmamağla mezbûr Tavukçu Osman bi’t-taleb ba‘de’t-tahlîfi’ş-şer‘î mûcebiyle müdde‘î-i mezbûr Derviş Ahmed bilâ-beyyine mezbûr Tavukçu Osman’a bi-gayr-ı vech mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu. Fî 2 min-Rebî‘ülâhir sene 1163