Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 83 Hüküm no: 52 Orijinal metin no: [13a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İmametin ehil olan Seyyid Süleyman’a tevcihi Ma‘rûz-ı dâ‘î-i Devlet-i aliyyeleridir ki, Sâdır olan fermân-ı âlîlerine imtisâlen işbu arz ve merbût olan iki kıt‘a arzlara nazar olundukda tarafeyn mahâllinde huzûr-ı şer‘îde cümle muvâcehesinde lede’l-imtihân mezbûr es-Seyyid Ahmed’in cehl ve adem-i liyâkati ve merkūm es-Seyyid Süleyman’ın ehliyet ve istihkākı zâhir ve ol vechile ref‘ gadri mûcib olmuş olmağın bu sûretde imâmet-i mezkûre merkūm es-Seyyid Ahmed’in ref‘inden sahib-i evveli mezbûr es-Seyyid Süleyman Halîfe’ye tevcîh ve ibkā olunmak ve sedden li-babi’l-fesâd fîmâ-ba‘d merkūm es-Seyyid Ahmed tarafından yine ref‘ine tesâddî olunur ise müsâ‘ade ve derkenâr dahi olunmamak üzere kaydı bâlâsına şerh verilmek mesûbât-ı celîleden idiği huzûr-ı âlîlerine i‘lâm olundu. Bâkī emr [ü] fermân hazret-i veliyyü’l-emrindir. Fî 15 Ra sene [12]48