Bab Mahkemesi 197 Numaralı Sicil (H. 1162-1163 / M. 1749-1750) cilt: 73, sayfa: 488 Hüküm no: 654 Orijinal metin no: [85a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalo bt. İsrail’in, nafakasına kefil olan İlya v. Yasef’de nafaka bedelinden alacağı olduğu iddiasıyla açtığı davayı ispat edemediği Ma‘rûz Şahsı ta‘rîf-i şer‘î ile mu‘arrefe olan <> arzuhâl eden Kalo bt. İsrail nâm Yahûdiye meclis-i şer‘-i enverde derûn-ı arzuhâlde mezkûrü’l-ism İlya v. Yasef nâm Yahûdî muvâcehesinde mesfûr İlya’nın li-ebeveyn karındaşı olup zevcim olan Yako nâm Yahûdî bundan akdem diyâr-ı âhara azîmeti esnâsında hahamlarımızın re’yiyle ayda sekizer guruş nafaka takdîr ve mesfûr İlya kefîl olup nice müddet verdikden sonra vermeğe kudretim yokdur deyü yine hahamlarımız ma‘rifetiyle beher şehr birer buçuk guruş ta‘yîn olunup ve ta‘yîn olunan nafakama mesfûr İlya yine kefîl ve dâmin olmuşidi kefâlet-i mezkûresinden târih-i i‘lâma gelince nafakamdan müctemi‘ olan yirmi guruş mesfûr İlya’dan taleb ederim deyü ba‘de’d-da‘vâ ve’s-suâl mesfûr İlya husûs-ı merkūmu bi’l-külliye inkâr edicek müdde‘iye-i mersûme ber-vech-i meşrûh müdde‘âsını bir vechile beyâna kādire olmayıp bi’t-taleb mesfûr [85b] İlya’ya vech-i şer‘î üzere yemîn verilmeğin mûcebiyle müdde‘iye-i mersûme Kalo Yahûdiye husûs-ı mezkûrda mesfûr İlya’ya bilâ-[beyyine] bî-vech mu‘ârazadan men‘ olunduğu Mahkeme-i Bâb’dan huzûr-ı âlîlerine i‘lâm olundu el-emrü li-men-lehu’l-emr. Fî 7 [min]-şehri Rebî‘ülâhir sene 1163